طريقة عمل شوربة الخضراوات بالكريمة من اكثر انواع الشوربات المفيدة و بطعم لذيذ Malaysia

طريقة عمل شوربة الخضراوات بالكريمة من اكثر انواع الشوربايات المفيدة و بطعم لذيذ و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض المكونات: 3 ملاعق كبيرة من الزيت 1 حبة من البصل 2 حبة من الثوم 1 حبة من الجزر 1 حبة من البطاطا 1 حبة من الفلفل الأحمر 1 حبة من الكوسا 2 ملعقة كبيرة من الطحين 1 كوب شاي من البازيلا المعلبة 6-7 أكواب من الماء الساخن 200 مل من كريمة الطعام ملح 1 حزمة من الشبت طريقة التحضير: 1- بالبداية هنضيف في طنجرة مناسبة الزيت, البصل و الثوم المهروس و نحركهم مع بعض لحتى يدبل معنا البصل شوي 2- بعدين هنضيف الجزر و هنكون مقطعينه على شكل مربعات صغيرة و نحركهم مع بعض و لاني نوع الجزر بستوي شوي متاخر لهيك حطيناه قبل انواع الخضراوات التانية 3- و هلق هنضيف حبات البطاطا و هنكون مقطعينها هي كمان على شكل مربعات صغيرة 4- و هنضيف حبة من الفلفل الأحمر و الكوسا و نحرك كل المكونات مع بعض منيح تقريبا لمدة دقيقتين 5- اما هلق هنضيف الطحين و الطحين هو اللي هيعطينا القوام المناسب للشوربة 6- بعدين هنضيف البازيلا المعلبة و الماء الساخن و هنحرك كل المكونات مع بعض منيح 7- و لما تبدا تغلي معنا الشوربة هنوطي عليها النار و نتركها على نار متوسطة لحتى يستوي معنا كل انواع الخضراوات اللي ضفناهن 8- و هلق هنضيف على الشوربة كريمة الطعام و بعد ما نحركها منيح هنترك الشوربة لحتى تغلي غليتين تلاتة 9- بعدين هنضيف عليها ملح حسب الرغبة و الشبت و نحرك الشوربة للمرة الاخيرة 10- هنشيل الشوربة من على النار و نقدمها بالشكل اللي منحبه و صحة و عافية

Category